ചക്രവാതച്ചുഴിയുടെ സ്വാധീനത്താല് സംസ്ഥാനത്ത് ഒറ്റപ്പെട്ട ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. കേന്ദ്ര കാലാവസ്ഥാ വകുപ്പിന്റെ അടുത്ത 5 ദിവസത്തേക്കുള്ള മഴ സാധ്യത പ്രവചനത്തിലാണ് കേരളത്തില് ഒറ്റപ്പെട്ട ശക്തമായ മഴയെന്ന മുന്നറിയിപ്പുള്ളത്.
ബംഗാള് ഉള്ക്കടലില് ചക്രവാതച്ചുഴി 48 മണിക്കൂറിനുള്ളില് ന്യൂനമര്ദ്ദമായി മാറാന് സാധ്യതയുണ്ട്. ബുധന്, വ്യാഴം ദിവസങ്ങളിലാകും കേരളത്തില് പരക്കെ മഴയ്ക്ക് സാധ്യത. മലയോര മേഖലയില് ഒറ്റപ്പെട്ട ശക്തമായ മഴയ്ക്ക് സാധ്യതയുമുണ്ട്.
മാര്ച്ച് 3 ന് ഒറ്റപ്പെട്ട ശക്തമായ മഴയ്ക്കു സാധ്യത ഉള്ളതിനാല് തിരുവനന്തപുരം, കൊല്ലം, പത്തനംതിട്ട, ഇടുക്കി ജില്ലകളില് കേന്ദ്ര കാലാവസ്ഥാ വകുപ്പ് യെല്ലൊ അലേര്ട്ട് പ്രഖ്യാപിച്ചു. നാളെ മുതല് തെക്കന് കേരളത്തിലും മധ്യകേരളത്തിലും മഴയുണ്ടാകുമെന്നു കാലാവസ്ഥാ വകുപ്പ് നേരത്തേ അറിയിച്ചിരുന്നു.