നടിയെ ആക്രമിച്ചതുമായി ബന്ധപ്പെട്ട ഗൂഢാലോചനാ കേസില് ദിലീപ് അടക്കമുള്ള പ്രതികളുടെ ജാമ്യാപേക്ഷാ ഹര്ജി പരിഗണിക്കല് ബുധനാഴ്ചത്തേക്ക് മാറ്റി. പ്രോസിക്യൂഷന്റെ ആവശ്യ പ്രകാരമാണ് ഹര്ജി മാറ്റിവച്ചത്. പ്രതികളെ അതുവരെ അറസ്റ്റ് ചെയ്യരുതെന്നും ഹൈക്കോടതി ഉത്തരവിട്ടു.
കേസില് പ്രതികളുടെ നിസ്സഹകരണം ഹൈക്കോടതിയെ അറിയിക്കാന് പ്രോസിക്യൂഷന് തീരുമാനിച്ചിരുന്നു. പ്രതികള് ഫോണുകള് കൈമാറാത്ത കാര്യവും കോടതിയെ അറിയിച്ചു. പ്രതികളെ കസ്റ്റഡിയില് ആവശ്യപ്പെടുമെന്നും പ്രോസിക്യൂഷന് അല്പ സമയത്തിനകം അന്വേഷണ റിപ്പോര്ട്ട് സമര്പ്പിക്കുമെന്നും സൂചനയുണ്ട്. മുദ്രവച്ച കവറിലാവും റിപ്പോര്ട്ട് സമര്പ്പിക്കുക.
ഫോണുകള് ഹാജരാക്കാന് അന്വേഷണ സംഘം നോട്ടീസ് നല്കിയിരുന്നു. എന്നാല്, ദിലീപ് അടക്കമുള്ള പ്രതികള് ഇതിനു തയ്യാറായിരുന്നില്ല.