സംസ്ഥാനത്ത് ഒമിക്രോണ്- കോവിഡ് നിയന്ത്രണങ്ങള് നിലനില്ക്കെ 502 പേരെ അണിനിരത്തിയുള്ള മെഗാ തിരുവാതിര സംഘടിപ്പിച്ച് സിപിഎം. തിരുവനന്തപുരം ജില്ലാ സമ്മേളനത്തോട് അനുബന്ധിച്ചാണ് സിപിഎമ്മിന്റെ മെഗാ തിരുവാതിര. പാറശാല ജനാധിപത്യ മഹിള അസോസിയേഷന് ഏരിയ കമ്മിറ്റിയുടെ നേതൃത്വത്തിലായിരുന്നു മെഗാ തിരുവാതിര അവതരിപ്പിച്ചത്. ചെറുവാരക്കോണം സി എസ് ഐ സ്കൂള് ഗ്രൗണ്ടിലായിരുന്നു മെഗാ തിരുവാതിര.
വെള്ളിയാഴ്ച്ചയാണ് തിരുവനന്തപുരം സിപിഎം ജില്ലാ സമ്മേളനത്തിന് തുടക്കമാകുന്നത്. പിണറായി സര്ക്കാരിന്റെ ക്ഷേമ പ്രവര്ത്തനങ്ങളെ പ്രകീര്ത്തിച്ചുള്ള ഗാനത്തിനൊപ്പം നൃത്ത ചുവടുകളുമായി വിദ്യാര്ഥികളും വീട്ടമ്മമാരും എത്തി.
പൊളിറ്റ് ബ്യൂറോ അംഗം എം എ ബേബി, ജില്ലാ സെക്രട്ടറി ആനാവൂര് നാഗപ്പന് അടക്കം നൂറോളം പേര് തിരുവാതിര കാണാന് എത്തിയിരുന്നു.