നടന് പൃഥ്വിരാജിന് കൊവിഡ് സ്ഥിരീകരിച്ചു. ജനഗണമന എന്ന പുതിയ സിനിമയുടെ ചിത്രീകരണത്തിനിടെയാണ് പൃഥ്വിരാജിന് കൊവിഡ് സ്ഥിരീകരിച്ചത്. സംവിധായകന് ഡിജോ ജോസ് ആന്റണിക്കും കൊവിഡ് സ്ഥിരീകരിച്ചു. ഇരുവര്ക്കും കോവിഡ് ബാധിച്ചതോടെ സിനിമയുടെ ഷൂട്ടിങ് താല്ക്കാലികമായി നിര്ത്തിവച്ചു. കളമശ്ശേരിയിലായിരുന്നു ഷൂട്ടിങ്.
ഇതോടെ സിനിമയുടെ മറ്റ് അണിയറ പ്രവര്ത്തകര്ക്കും സുരാജ് വെഞ്ഞാറമ്മൂട് ഉള്പ്പടെയുള്ള താരങ്ങള്ക്കും ക്വാറന്റീനില് പോകേണ്ടി വരും. ക്വീന് സിനിമയ്ക്കു ശേഷം ഡിജോ ജോസ് ഒരുക്കുന്ന ചിത്രമാണ് ജനഗണമന.
നേരത്തെ ആടുജീവിതം എന്ന സിനിമയുടെ ഷൂട്ടിംഗിന് ശേഷം ജോര്ദാനില് നിന്ന് മടങ്ങിയെത്തിയ പൃഥ്വിരാജ് കൊവിഡ് ടെസ്റ്റിന് വിധേയനായിരുന്നു. അന്ന് പരിശോധനാഫലം നെഗറ്റീവായിരുന്നു.