കൊച്ചി: അഭിലാഷം സിനിമയുടെ സംവിധായകന് ഷംസുദ്ദീന് അറസ്റ്റില്. ഇതേസിനിമയുടെ നിര്മാതാവ് ആന് സരിഗ ആന്റണി നല്കിയ സാമ്പത്തിക തട്ടിപ്പിലാണ് തൃപ്പൂണിത്തുറ പൊലീസ് ഷംസുദ്ദീനെ അറസ്റ്റ് ചെയ്തത്. കേസില് അസോസിയേറ്റ് ഡയറക്ടറും എഡിറ്ററും ക്യാമറാമാനും പ്രതികളാണ്.
അർജുനോട് മാപ്പ് പറഞ്ഞ് കാവേരി ബറുവ
സൈജുകുറുപ്പ് പ്രധാന വേഷത്തിലെത്തിയ ചിത്രമായിരുന്നു അഭിലാഷം. രണ്ടുകോടി 25 ലക്ഷത്തിന് ചിത്രം പൂര്ത്തിയാക്കാമെന്നായിരുന്നു സംവിധായകന് ഷംസുദ്ദീന് നിര്മാതാവിനെ അറിയിച്ചത്. എന്നാല് ചിത്രീകരണം പൂര്ത്തിയായപ്പോള് മൂന്നേകാല് കോടി രൂപ ചെലവായെന്നും നിര്മാതാവ് പറയുന്നു. തന്നെ കബളിപ്പിച്ചെന്നും വിശ്വാസവഞ്ചന കാട്ടിയെന്നും കാണിച്ചാണ് ചിത്രത്തിന്റെ അണിയറപ്രവര്ത്തകര്ക്കെതിരെ നിര്മാതാവ് പരാതി നല്കിയത്.
മാസ്റ്റര് ഔട്ട് തന്റെ അനുവാദമില്ലാതെ മറ്റൊരുപാര്ട്ടിക്ക് മറിച്ച് നല്കിയെന്നും പരാതിയില് പറയുന്നു. ഇക്കഴിഞ്ഞ ഫ്രെബ്രുവരി രണ്ടിനാണ് നിര്മാതാവ് തൃപ്പൂണിത്തുറ ഹില്പാലസ് പൊലീസില് പരാതി നല്കിയത്. കഴിഞ്ഞ വര്ഷം മാര്ച്ചിലാണ് ചിത്രം പുറത്തിറങ്ങിയത്.