ഭുവനേശ്വര്: ഒഡിയ സംഗീതത്തിലെ പ്രശസ്ത ഗായിക ഗീത പട്നായിക് അന്തരിച്ചു. 73 വയസായിരുന്നു. മസ്തിഷ്കാഘാതത്തെത്തുടര്ന്ന് കട്ടക്കിലെ സ്വകാര്യ ആശുപത്രിയില് ചികിത്സയിലിരിക്കെ ഞായറാഴ്ച വൈകുന്നേരമായിരുന്നു അന്ത്യമെന്ന് കുടുംബാംഗങ്ങള് അറിയിച്ചു.
ചികിത്സയ്ക്കായി കട്ടക്കിലെ സ്വകാര്യ ആശുപത്രിയിലേക്ക് മാറ്റിയെങ്കിലും ഞായറാഴ്ച വൈകീട്ടോടെ മരണം സംഭവിച്ചു. തിങ്കളാഴ്ച കട്ടക്കിലെ വസതിയില് സംസ്കാരം നടക്കും. പതിറ്റാണ്ടുകള് നീണ്ടുനിന്ന സംഗീത ജീവിതത്തില് ഒഡിയ സംഗീത ഇതിഹാസം അക്ഷയ മൊഹന്തിക്കൊപ്പം പാടിയ പാട്ടുകളിലൂടെയാണ് ഗീത പട്നായിക് ഏറെ ശ്രദ്ധിക്കപ്പെട്ടത്.