പ്രമുഖ മാഗസിന്റെ കവര് ഫോട്ടോയുമായി ബന്ധപ്പെട്ട് സോഷ്യല് മീഡിയയില് താന് പങ്കുവച്ച കുറിപ്പ് ആരെയെങ്കിലും വെള്ള പൂശാനോ ന്യായീകരിക്കാനോ ആയിരുന്നില്ലെന്ന് നടിയും നിര്മാതാവുമായ സാന്ദ്ര തോമസ്. രണ്ടു പെണ്കുട്ടികളുടെ അമ്മയായ തനിക്കെങ്ങനെ വേട്ടക്കാരനൊപ്പം നില്ക്കാനാകുമെന്നും സാന്ദ്ര ഫേസ്ബുക്കില് പങ്കുവച്ച കുറിപ്പില് ചോദിച്ചു.
ഇരക്കൊപ്പമോ അതോ വേട്ടക്കാരനൊപ്പമോ…? ഈ ചോദ്യമുന്നയിച്ചു കൊണ്ടുള്ള നിരവധി നിരവധി മെസ്സേജുകള്ക്കുള്ള മറുപടി ഓരോരുത്തര്ക്കും വ്യക്തിപരമായി തരുന്നത് അസൗകര്യമായതിനാലാണ് ഈ പോസ്റ്റിടുന്നത്. ഈയൊരു ചോദ്യം തന്നെ അപ്രസക്തമാണ്. തീര്ച്ചയായും ഇരക്കൊപ്പം തന്നെ. സാന്ദ്ര തോമസ് ഫേസ്ബുക്കില് കുറിച്ചു.
സാന്ദ്രയുടെ കുറിപ്പ്:
ചേച്ചി ഇരക്കൊപ്പമോ അതോ വേട്ടക്കാരനൊപ്പമോ…? ഈ ചോദ്യമുന്നയിച്ചു കൊണ്ടുള്ള നിരവധി നിരവധി മെസ്സേജുകള്ക്കുള്ള മറുപടി ഓരോരുത്തര്ക്കും വ്യക്തിപരമായി തരുന്നത് അസൗകര്യമായതിനാലാണ് ഈ പോസ്റ്റിടുന്നത്. ഈയൊരു ചോദ്യം തന്നെ അപ്രസക്തമാണ്. തീര്ച്ചയായും ഇരക്കൊപ്പം തന്നെ. എന്റെ കഴിഞ്ഞ ദിവസത്തെ പോസ്റ്റാണ് ഇങ്ങനെ ചിന്തിക്കാന് നിങ്ങളില് കുറച്ചു പേരെയെങ്കിലും പ്രേരിപ്പിച്ചതെങ്കില് നമ്മുടെ തങ്കക്കൊലുസിന്റെ പ്രായമുള്ള ഒരു കുട്ടിയേയും ഇത്തരമൊരു സാഹചര്യത്തില് വളര്ന്നു വരണ്ട ആ കുഞ്ഞിന്റെ മാനസികാവസ്ഥയും മാത്രമേ ഞാനപ്പോള് ചിന്തിച്ചുള്ളു.
ആരെയെങ്കിലും വെള്ളപൂശാനോ ന്യായീകരിക്കാനോ ആയിരുന്നില്ല ആ പോസ്റ്റ്. രണ്ട് പെണ്കുട്ടികളുടെ അമ്മയായ എനിക്കെങ്ങനെ വേട്ടക്കാരനൊപ്പം നില്ക്കാനാകും…? ആദ്യം വന്ന കുറച്ചു കമന്റ്സ് ഞാനുദ്ദേശിച്ചതിനെ വളച്ചൊടിച്ചാണ് വന്നത് . ബാക്കിയുള്ളവര് അത് പിന്തുടര്ന്നു. തങ്കക്കൊല്സിന് സുഖമില്ലാതെ ഇരുന്നതിനാല് കമന്റുകള്ക്ക് കൃത്യമായി ൃലുഹ്യ ചെയ്യാന് പറ്റിയില്ല. അപ്പോഴേക്കും പോസ്റ്റിന്റെ ഉദ്ദേശം വേറെ വഴിക്ക് കൊണ്ടുപോകപ്പെട്ടിരുന്നു . എന്നെ അറിയാവുന്നവര് ഇതൊന്നും വിശ്വസിക്കില്ല എന്നറിയാം എങ്കിലും ഒരു ക്ലാരിഫിക്കേഷന് തരണമെന്ന് തോന്നി. ഞാന് ഇരയ്ക്കൊപ്പം തന്നെയാണ്.
സാന്ദ്ര കഴിഞ്ഞ ദിവസം പങ്കുവച്ച കുറിപ്പ്:
‘മാമാട്ടി’ ആ പേര് പോലെ തന്നെ ഓമനത്തമുള്ളൊരു കുട്ടി. ഇവിടെ എനിക്ക് ആ കുഞ്ഞിനെ മാത്രമേ കാണാന് പറ്റുന്നൊള്ളു. ആ കുഞ്ഞിന്റെ കണ്ണുകളിലെ പ്രതീക്ഷകള് മാത്രമേ കാണാന് പറ്റുന്നുള്ളു. എല്ലാവരെയും സ്നേഹിക്കാനും അറിയാനും തുളുമ്പുന്ന ഒരു മനസ് മാത്രമേ കാണാന് പറ്റുന്നുള്ളു. ജന്മം കൊണ്ട് ഇരയാക്കപ്പെട്ടവള്. മനുഷ്യത്വം അത് എല്ലാവരും ഒരുപോലെ അര്ഹിക്കുന്നു.